കോന്നി : കോന്നിയില് കോഴിക്കൂട്ടില് കയറിയ പെരുമ്പാമ്പിനെ കോന്നി വനം വകുപ്പ് ആര്.ആര്.റ്റി.സംഘം പിടികൂടി. കോന്നി മഠത്തില്ക്കാവ് മിനി ആശോകിന്റെ വീട്ടിലെ കോഴിക്കൂട്ടിലാണ് പാമ്പ് കയറിയത്. കൂട്ടില് കയറിയ പാമ്പ് ഒന്നിലധികം കോഴികളെ കൊല്ലുകയും ചെയ്തിരുന്നു. പുലര്ച്ചെയായിരുന്നു സംഭവം. സംഭവം ശ്രദ്ധയില്പ്പെട്ടതിനെ തുടര്ന്ന് വീട്ടുകാര് കോന്നി സ്ട്രൈക്കിംഗ്ഫോഴ്സ് അധികൃതരെ വിവരം അറിയിക്കുകയും ഇവര് സ്ഥലത്തെത്തി പാമ്പിനെ പിടികൂടുകയുമായിരുന്നു. പ്രദേശത്ത് അടുത്തിടെയായി പെരുമ്പാമ്പുകളുടെ ശല്യം വര്ദ്ധിച്ചു വരുന്നതായി പ്രദേശവാസികള് പറയുന്നു.
മഠത്തില്ക്കാവ് ഭാഗത്ത് ഉപയോഗശൂന്യമായി കാടുകയറി കിടക്കുന്ന ഏലായും കാടുകള് തെളിക്കാത്ത സ്വകാര്യ വ്യക്തികളുടെ പുരയിടവും പാമ്പുകളുടെ സാന്നിധ്യം വര്ധിപ്പിക്കുന്നുണ്ട്. ഇവിടെ പല വീടുകളുടെ സമീപത്തും രാത്രി സമയങ്ങളില് പാമ്പുകള് എത്താറുണ്ട് എന്നാണ് പ്രദേശവാസികള് പറയുന്നത്. എന്നിട്ടും ഈ കാടുകള് വെട്ടിത്തെളിക്കാന് ആവശ്യമായ നടപടികള് കോന്നി ഗ്രാമപഞ്ചായത്ത് സ്വീകരിക്കുന്നില്ല എന്നും പരാതിയുയരുന്നു.
