ഇടുക്കി : മൂന്നാറില് പണിമുടക്കിനിടെയുണ്ടായ സംഘര്ഷത്തില് ദേവികുളം എംഎല്എ എ.രാജയെ മര്ദിച്ച സംഭവത്തില് ആരോപണവിധേയനായ എസ്.ഐ എം.പി സാഗറിനെ സ്ഥലം മാറ്റി. ജില്ലാ ക്രൈം റെക്കോര്ഡ്സ് ബ്യുറോയിലേക്ക് ആണ് മാറ്റിയത്. ഇടുക്കി ജില്ലാ പോലീസ് മേധാവി ആര്.കറുപ്പസ്വാമിയുടെതാണ് ഉത്തരവ്. ദേശീയ പണിമുടക്കിനിടെ ദേവികുളം എംഎല്എ എ.രാജക്ക് മര്ദനമേറ്റതായി പരാതി ഉയര്ന്നിരുന്നു. രാജ എംഎല്എയെ എസ്ഐ എം.പി സാഗര് മര്ദിച്ചു എന്നാണ് പരാതി ഉയര്ന്നത്.
മൂന്നാര് ടൗണില് ചൊവ്വാഴ്ച 12മണിയോടെയായിരുന്നു സംഭവം. പണിമുടക്കുമായി ബന്ധപ്പെട്ട പൊതുയോഗം നടത്തവെ ഇതുവഴി കടന്നുപോയ ചില വാഹനങ്ങള് സമരാനുകൂലികള് തടഞ്ഞു. തുടര്ന്ന് പോലീസും സമരാനുകൂലികളും തമ്മില് ഉന്തും തള്ളുമുണ്ടായി. തുടര്ന്നുണ്ടായ സംഘര്ഷത്തില് എം.എല്.എ താഴെ വീണു. തുടര്ന്ന് അദ്ദേഹം ആശുപത്രിയില് ചികിത്സ തേടിയിരുന്നു.
