തിരുവല്ല : തിരുവല്ല മുത്തൂരില് കഴിഞ്ഞ രാത്രിയില് ഉണ്ടായ വാഹനാപകടത്തില് പരിക്കേറ്റ് ചികിത്സയില് കഴിഞ്ഞിരുന്ന രണ്ടാമത്തെയാളും മരണപ്പെട്ടു. ചാലക്കുടി മന്നത്ത് കിഴക്കേതില് സന്തോഷ് കുമാര് (40) ആണ് പുലര്ച്ചെ മൂന്നുമണിയോടെ മരിച്ചത്. അപകടത്തില് ഒപ്പമുണ്ടായിരുന്ന ചാലക്കുടി മന്നംകരച്ചിറ കൊച്ചാപറമ്പില് തോമസ് ജോര്ജ്ജ് (ജോസ് – 53) സംഭവ സ്ഥലത്ത് വെച്ച് തന്നെ മരിച്ചിരുന്നു.
കഴിഞ്ഞ രാത്രി എട്ടരയോടെയാണ് തിരുവല്ല മുത്തൂരില് ടൂറിസ്റ്റ് ബസും ബൈക്കും കൂട്ടിയിടിച്ച് നടന്ന അപകടത്തില് ഇരുവര്ക്കും ഗുരുതരമായി പരിക്കേറ്റത്. മരണപ്പെട്ട ഇരുവരും പെയ്ന്റിങ് തൊഴിലാളികളാണ്. അപകടത്തില് പരിക്കേറ്റ സന്തോഷ് കുമാര് കോട്ടയം മെഡിക്കല് കോളേജ് ആശുപത്രിയില് ചികിത്സയില് കഴിഞ്ഞു വരുമ്പോഴാണ് മരണം സംഭവിച്ചത്. ആരതിയാണ് സന്തോഷിന്റെ ഭാര്യ. നിവേദ്യ, നിവ്യ എന്നിവര് മക്കളാണ്.
