തിരുവല്ല : വെൽഫെയർ സൊസൈറ്റിയുടെ നേതൃത്വത്തിൽ പക്ഷം ജനപക്ഷം സെമിനാറും മുൻ എംഎൽഎ ജോസഫ് എം, പുതുശേരി രചിച്ച ‘പക്ഷം ജനപക്ഷം’ എന്ന പുസ്തകത്തിന്റെ പ്രകാശനവും മഞ്ഞാടി മാമ്മൻ മത്തായി നഗറിൽ നാളെ 3 ന് നടക്കും. പ്രതിപക്ഷ നേതാവ് വി.ഡി.സതീശൻ സെമിനാർ ഉദ്ഘാടനവും പുസ്തക പ്രകാശനവും നിർവഹിക്കും. മുൻ മന്ത്രിയും കേരള കോൺഗ്രസ് ചെയർമാനുമായ പി.ജെ. ജോസഫ് അധ്യക്ഷത വഹിക്കും. മുൻ മന്ത്രി ജി. സുധാകരൻ പുസ്തകത്തിന്റെ ആദ്യ കോപ്പി സ്വീകരിക്കും. പരിസ്ഥിതി പ്രവർത്തകൻ സി.ആർ. നീലകണ്ഠൻ വിഷയാവതരണം നടത്തും.
രാജ്യസഭ മുൻ ഉപാധ്യക്ഷൻ പി.ജെ.കുര്യൻ, കുമ്മനം രാജശേഖരൻ, ആന്റോ ആന്റണി എംപി, ജോയ് ഏബ്രഹാം, ഡോ. വർഗീസ് ജോർജ്, വർഗീസ് സി. തോമസ്, കുര്യൻ തോമസ് കരിമ്പനത്തറയിൽ, എംപി ബാബുരാജ് തുടങ്ങിയവർ ചർച്ചയിൽ പങ്കെടുക്കുമെന്ന് വെൽഫെയർ സൊസൈറ്റി പ്രസിഡന്റ് സാം ഈപ്പൻ, സെക്രട്ടറി വിജയകുമാർ മണിപ്പുഴ, കൺവീനർ ആർ.ജയകുമാർ എന്നിവർ അറിയിച്ചു. പ്രമുഖ പരിസ്ഥിതി പ്രവർത്തക മേധാ പട്കറാണ് പുസ്തകത്തിന്റെ അവതാരിക എഴുതിയിരിക്കുന്നത്.
