കോഴഞ്ചേരി : ജില്ലാ കോണ്ഗ്രസ് കമ്മിറ്റി വൈസ് പ്രസിഡന്റ് അഡ്വ. എ.സുരേഷ് കുമാറിനും ജനറല് സെക്രട്ടറി എം.എസ് പ്രകാശിനും കാറപകടത്തില് പരിക്ക്. ഇവര് സഞ്ചരിച്ചിരുന്ന കാര് ഇന്ന് അഞ്ചരയോടെ കാരംവേലി തുണ്ടഴത്ത് മതിലില് ഇടിക്കുകയായിരുന്നു. മഴയായതിനാല് റോഡില്നിന്നും വാഹനം തെന്നിമാറിയാണ് അപകടം ഉണ്ടായത്. പത്തനംതിട്ടയില് നിന്നും ആറന്മുളയില് ബ്ലോക്ക് കമ്മിറ്റിയില് പങ്കെടുക്കാന് പോയതാണ് ഇവര്. ഇരുവരെയും കോഴഞ്ചേരി മുത്തൂറ്റ് ആശുപത്രിയില് പ്രവേശിപ്പിച്ചു. ആരുടേയും പരിക്ക് ഗുരുതരമല്ല.
