പത്തനതിട്ട : ഓമല്ലൂരില് വീട്ടിലേക്ക് ഓടിക്കയറിയ പേവിഷ ബാധയെന്ന് സംശയിച്ച നായ ചത്തു. ഇന്നലെ മയക്കുമരുന്ന് കുത്തിവെച്ച ശേഷം കൊക്കാതോട്ടിലെ സംരക്ഷണ കേന്ദ്രത്തിലേക്ക് മാറ്റിയിരുന്നു. പേവിഷ ബാധ പരിശോധിക്കാന് തിരുവല്ല മഞ്ഞാടിയിലെ ലാബില് പോസ്റ്റ്മോര്ട്ടം നടത്തി രക്തം, ഉമിനീര് എന്നിവയുടെ സാമ്പിള് പരിശോധിക്കുകയും ചെയ്യും.
ഓമല്ലൂര് മാര്ക്കറ്റിന്റെ പരിസരത്ത് നിന്നാണ് ഇന്നലെ നായ വീട്ടിലേക്ക് ഓടിക്കയറിയത്. വീട്ടമ്മ തുളസിയുടെ മകന് കാറെടുത്ത് പുറത്തു പോകാന് തുടങ്ങവേ കാറിനടിയില് നായയെ കാണുകയായിരുന്നു. നായ പേവിഷ ബാധയുടെ ലക്ഷണങ്ങള് കാണിച്ചതിനാല് സംശയം തോന്നുകയും പിന്നീട് ഗേറ്റ് പൂട്ടി മറ്റുള്ളവരെ വിവരം അറിയിക്കുകയും ചെയ്തു. ഫയര്ഫോഴ്സ് അടക്കം എത്തിയാണ് നായയെ സംരക്ഷണ കേന്ദ്രത്തിലേക്ക് മാറ്റിയത്.
