പത്തനംതിട്ട: പുല്ലു വെട്ടുന്നതിനിടെ കടന്നലിന്റെ കുത്തേറ്റ് തൊഴിലാളി മരിച്ചു. പത്തനംതിട്ട അന്ത്യാളൻകാവ് ആറൊന്നിൽ ജോസഫ് മാത്യൂ(രാജു-60)ആണ് മരിച്ചത്. സംസ്ക്കാരം വ്യാഴാഴ്ച (ഒക്ടോബർ 6ന് ) 11ന് കാട്ടൂർ സെന്റ് ആൽബർട്ട്സ് പള്ളി സെമിത്തേരിയിൽ. സ്വകാര്യ വ്യക്തിയുടെ പുരയിടത്തിലെ കാട്, മെഷീൻ ഉപയോഗിച്ച് വെട്ടുന്നതിനിടയിൽ കല്ല് തെറിച്ച് വീണ് കടന്നല്‍ ഇളകുകയായിരുന്നു.
കഴിഞ്ഞ വ്യാഴാഴ്ചയായിരുന്നു സംഭവം. കുത്തേറ്റ രാജുവിനെ ആദ്യം പത്തനംതിട്ട ജില്ല ആശുപത്രിയിലെത്തിച്ചെങ്കിലും ആരോഗ്യ നില ഗുരുതരമായതിനെ തുടർന്ന് തിരുവല്ല പുഷ്പഗിരി മെഡിക്കൽ കോളജ് ആശുപത്രിയിലെത്തിച്ചു. ചികിത്സയിലിരിക്കെ ചൊവ്വാഴ്ച രാവിലെ മരണം സംഭവിക്കുകയായിരുന്നു. വടശ്ശേരിക്കര പേഴുംപാറ കാലാക്കൽ കുടുംബാംഗം അന്നമ്മ ജോസഫ് ആണ് ഭാര്യ. മക്കൾ – അജിൻ (കടമ്മനിട്ട ഗവ.ഹൈസ്ക്കൂൾ പ്ലസ് വൺ വിദ്യാർത്ഥി), ഏഞ്ചൽ (എസ്.എച്ച്.എച്ച്. എസ്.എസ്. മൈലപ്ര ഏഴാം ക്ലാസ് വിദ്യാർത്ഥിനി). ഫോൺ: 07874256979 (തോമസ് മാത്യു)
