കോന്നി : പുനലൂര് – മൂവാറ്റുപുഴ സംസ്ഥാന പാതയില് കലഞ്ഞൂര് സ്കൂളിന് മുന്നില് ബൈക്ക് യാത്രികനായ യുവാവ് വാഹനം ഇടിച്ച് മരിച്ച സംഭവത്തില് അന്വേഷണം ഊര്ജിതമാക്കി കൂടല് പോലീസ്. സംഭവത്തിന്റെ സി.സി.റ്റി.വി ദൃശ്യങ്ങള് അടക്കം പോലീസ് ശേഖരിച്ചുവെങ്കിലും വാഹനം ഏതാണെന്ന് കണ്ടത്താന് കഴിഞ്ഞിട്ടില്ല. വാഹനം ഇടിക്കുന്ന ദൃശ്യങ്ങളും പോലീസിന് ലഭിച്ചിട്ടില്ല. ഈ സമയം തമിഴ്നാട് സ്വദേശിയുടെ വാഹനം ഈ വഴി കടന്നുപോകുന്നതായി പോലീസ് ശേഖരിച്ച ദൃശ്യങ്ങളില് കാണുന്നുണ്ട്. ഈ വാഹനം കേന്ദ്രീകരിച്ചാണ് പോലീസ് അന്വേഷണം നടത്തുന്നത്. വാഹനം കൂടല് പോലീസ് സ്റ്റേഷനില് ഹാജരാക്കുവാനും ഉടമയ്ക്ക് നിര്ദേശം നല്കിയിട്ടുണ്ട്. കഴിഞ്ഞ ദിവസമാണ് കുളത്തിങ്കല് സ്വദേശി വിളയില് വീട്ടില് ജിതിന്(22) അജ്ഞാത വാഹനം ഇടിച്ച് കൊല്ലപ്പെടുന്നത്. ഇടിച്ച വാഹനം ഏതെന്നു കണ്ടെത്താന് പോലീസിന് കഴിയാതെ വന്നത് വലിയ ആശയകുഴപ്പം സൃഷ്ടിച്ചിരുന്നു.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
