തിരുവനന്തപുരo : തിരുവനന്തപുരത്ത് കോൺവെന്റിൽ യുവതിയെ തൂങ്ങി മരിച്ച നിലയിൽ കണ്ടെത്തി. കന്യാസ്ത്രീയാകാൻ പഠിക്കുന്ന യുവതിയെയാണ് തൂങ്ങി മരിച്ച നിലയിൽ കണ്ടെത്തിയത്. തമിഴ്നാട് സ്വദേശി അന്നപൂരണിയാണ് മരിച്ചത്. തിരുവനന്തപുരം വെട്ടുതുറ കോൺവെന്റിലാണ് അന്നപൂരണിയെ മരിച്ച നിലയിൽ കണ്ടെത്തിയത്. ഇന്ന് രാവിലെ നടന്ന പ്രാർത്ഥനയ്ക്ക് യുവതി എത്തിയിരുന്നില്ല.
തുടർന്ന് അന്വേഷിച്ചെത്തിയപ്പോഴാണ് യുവതിയെ ഫാനിൽ തൂങ്ങി മരിച്ച നിലയിൽ കണ്ടെത്തുന്നത്. അകത്ത് നിന്ന് പൂട്ടിയ നിലയിലായിരുന്നു മുറി. മഹാരാഷ്ട്രയിലെ വൈദിക സേനവത്തിന് ശേഷം ഒരു മാസം മുൻപാണ് യുവതി കോൺവെന്റിൽ തിരിച്ചെത്തുന്നത്. മുറിയിൽ നിന്നും അന്നപൂരണി എഴുതിയെന്ന് കരുതുന്ന ഒരു ആത്മഹത്യാ കുറിപ്പും കണ്ടെത്തിയിട്ടുണ്ട്. സംഭവത്തിൽ അന്വേഷണം പുരോഗമിക്കുകയാണ്.
