പത്തനംതിട്ട : പത്തനംതിട്ട കുലശേഖരപതിയില് യുവതിയെ വെട്ടി പരുക്കേല്പ്പിച്ചു. ഇന്ന് രാവിലെ പത്തുമണിയോടെ ആയിരുന്നു സംഭവം. പത്തനംതിട്ട നഗരസഭ വാര്ഡ് 22 ലെ കുലശേഖരപതിയിലെ ഒരു സ്ഥാപനത്തില് ജോലി ചെയ്യുകയായിരുന്നു പേഴുംപാറ സ്വദേശിയായ യുവതി. നെറ്റിയിലും തലക്കും വെട്ടേറ്റ യുവതിയെ പത്തനംതിട്ട ആശുപത്രിയില് പ്രവേശിപ്പിച്ചു.
ഇവരെ വെട്ടി പരുക്കേല്പ്പിച്ചയാളെ പോലീസ് അറസ്റ്റ് ചെയ്തു. ഇന്ന് രാവിലെ സ്കൂട്ടറില് കുലശേഖരപതിയില് എത്തിയ ഇയാള് മുക്കാല് മണിക്കൂറോളം പരിസരത്ത് കാത്തുനിന്നതിനുശേഷമാണ് യുവതിയെ ആക്രമിച്ചത്. സംഭവത്തിനു ശേഷം രക്ഷപെടാന് ശ്രമിച്ച ഇയാളെ നാട്ടുകാര് തടഞ്ഞുനിര്ത്തി പോലീസില് അറിയിക്കുകയായിരുന്നു. പത്തനംതിട്ട പോലീസ് സ്ഥലത്തെത്തി ഇയാളെ അറസ്റ്റ് ചെയ്തു.