ഇരിട്ടി: കണ്ണൂർ ഇരിട്ടിക്കടുത്ത് കൂട്ടുപുഴയിലെ ബന്ധുവീട്ടിൽ വിരുന്നിനെത്തിയ യുവതി കുഴഞ്ഞുവീണ് മരിച്ചു. വീരാജ് പേട്ടയിലെ പള്ളിയൽതൊടിയിൽ പി.എം. മുബഷീറ (24) ആണ് ഞായറാഴ്ച രാത്രി മരണപ്പെട്ടത്. ഭർതൃസഹോദരിയുടെ വീട്ടിൽ വിരുന്നിനായെത്തിയ യുവതിക്ക് അപ്രതീക്ഷിതമായി ശാരീരിക അസ്വസ്ഥതകൾ ഉണ്ടാകുകയായിരുന്നു. ഞായറാഴ്ച രാത്രിയോടെയാണ് മുബഷീറ കുഴഞ്ഞുവീണത്. ഉടൻതന്നെ ബന്ധുക്കളും നാട്ടുകാരും ചേർന്ന് ഇരിട്ടിയിലെ ഒരു സ്വകാര്യ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാൻ സാധിച്ചില്ല. യുവതിയുടെ ആകസ്മിക മരണം കുടുംബാംഗങ്ങളെയും സുഹൃത്തുക്കളെയും അതീവ ദുഃഖത്തിലാഴ്ത്തി. പൊന്നപ്പ സന്തയിലെ എ.എ. മുഹമ്മദ് റിയാസാണ് മുബഷീറയുടെ ഭർത്താവ്. ഒന്നര വയസ്സുകാരിയായ ഫാത്തിമ നൈസ മകളാണ്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) ഇപ്പോള് പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
