റാന്നി: സെന്റ് തോമസ് കോളേജ് ഫിസിക്സ് ഡിപ്പാർട്ട്മെന്റ് കേരള സംസ്ഥാന ശാസ്ത്ര സാങ്കേതിക പരിസ്ഥിതി കൗൺസിലിന്റെ സഹകരണത്തോടെ മെറ്റീരിയൽ സയൻസിലെ നിർമ്മിത ബുദ്ധി എന്ന വിഷയത്തിൽ ദ്വിദിന സെമിനാർ നടത്തി. ഇന്ത്യൻ ഇൻസ്റ്റിറ്റ്യൂട്ട് ഓഫ് സയൻസ് ആൻഡ് ടെക്നോളജിയിലെ പ്രൊഫ. ഡോ. കെ.ബി ജിനേഷ് സെമിനാർ ഉദ്ഘാടനം ചെയ്തു.
കോളേജ് മാനേജർ പ്രൊഫ. റോയി മേലേൽ മുഖ്യ സന്ദേശം നൽകി. പ്രിൻസിപ്പാൾ ഡോ. സ്നേഹ എൽസി ജേക്കബ് അധ്യക്ഷത വഹിച്ചു. പഠനത്തിലും ഗവേഷണത്തിലും നിർമ്മിത ബുദ്ധി എങ്ങനെ ഫലപ്രദമായി ഉപയോഗപ്പെടുത്താം എന്ന വിഷയത്തിൽ ഡോ. എബി മാവേലിൽ സാം ക്ലാസ് എടുത്തു. പ്രൊഫ. അഞ്ജു ജോസഫ്, ഡോ. ബിനി ബി. നായർ എന്നിവർ നേതൃത്വം നൽകി. സെമിനാറില് നാനോ ആർട്ടോഗ്രഫിയിൽ വിദ്യാർത്ഥികൾക്കായി മത്സരവും സംഘടിപ്പിച്ചിരുന്നു.
