മുംബൈ: ബിജെപിയില് ചേര്ന്നില്ലെങ്കില് തന്നെ ജയിലില് അടയ്ക്കുമെന്ന് ഏകനാഥ് ഷിന്ഡെ കരഞ്ഞുകൊണ്ട് പറഞ്ഞതായി മഹാരാഷ്ട്ര മുന്മന്ത്രിയും ഉദ്ധവ് സേനാ നേതാവുമായ ആദിത്യ താക്കറെ. ‘ഞാന് ബിജെപിയില് ചേരട്ടെ, അല്ലെങ്കില് എന്നെ ജയിലില് അടയ്ക്കുമെന്ന് പറഞ്ഞ് ഏകനാഥ് ഷിന്ഡെ ഞങ്ങളുടെ മുന്നില് കരഞ്ഞു. ജയിലില് പോകാതിരിക്കാനുള്ള പ്രായമല്ല എന്റേതെന്നും അദ്ദേഹം പറഞ്ഞു.
ഉദ്ധവ് താക്കറെ ശസ്ത്രക്രിയയ്ക്ക് വിധേയനാകുകയും കഠിനമായ അവസ്ഥയിലൂടെ കടന്നുപോകുകയും ചെയ്തപ്പോള് ഞങ്ങളുടെ എംഎല്എമാരെ പ്രലോഭിപ്പിച്ച് പാര്ട്ടിയെ തകര്ക്കാന് ഏകനാഥ് ഷിന്ഡെ ഗൂഢാലോചന നടത്തിയെന്നും ആദിത്യ താക്കറെ ആരോപിച്ചു. അദ്ദേഹം നിരവധി നിയമസഭാംഗങ്ങള്ക്ക് പണം നല്കുന്നുണ്ടെന്നും അദ്ദേഹം ഡല്ഹിയിലേക്കോ അഹമ്മദാബാദിലേക്കോ സന്ദര്ശനം നടത്തുന്നുണ്ടോയെന്നറിയാന് അദ്ദേഹത്തെ നിരീക്ഷിക്കണമെന്നും എംഎല്എമാര് പറഞ്ഞതായി ആദിത്യ താക്കറെ പറഞ്ഞു.
