വെണ്ണിക്കുളം : റാന്നി നിയോജക മണ്ഡലത്തിലെ റോഡുകളുടെ ശോചനീയാവസ്ഥ അടിയന്തിരമായി പരിഹരിക്കണമെന്നും പൂർത്തിയാക്കാത്ത വാലാങ്കര – ആയിരൂർ റോഡ് എത്രയുംവേഗം പണി പൂർത്തിയാക്കണമെന്നും കോമളം പാലം ഗതാഗത യോഗ്യമാക്കണമെന്നും ആവശ്യപ്പെട്ടുകൊണ്ട് ആം ആദ്മി പാർട്ടി റാന്നി – എഴുമറ്റൂർ പഞ്ചായത്ത് കമ്മിറ്റിയുടെ നേതൃത്വത്തിൽ പ്രതിഷേധ ധര്ണ നടത്തി.
വെണ്ണിക്കുളം പി.ഡബ്ലിയു.ഡി ഓഫീസിനു മുൻപിൽ നടന്ന ധർണ, സാമൂഹ്യ പ്രവർത്തകനും രചയിതാവുമായ ഡോ. ജോസ് പാറക്കടവിൽ ഉദ്ഘാടനം ചെയ്തു. ജില്ലാ സെക്രട്ടറി ജിബിൻ ജി ബ്ലെസ്സൻ, ജില്ലാ ട്രഷറർ ജോയ് എ ചെറിയാൻ, മണ്ഡലം കൺവീനർ മാത്യു തഴമൺ പ്രസംഗിച്ചു. ജനകീയ വിഷയങ്ങള്ക്കുനേരെ മുഖംതിരിച്ചാല് കൂടുതൽ ശക്തമായ സമരങ്ങളുമായി ആം ആദ്മി പാർട്ടി രംഗത്തിറങ്ങുമെന്നും നേതാക്കള് പറഞ്ഞു.