മൂവാറ്റുപുഴ : ആരക്കുഴ-പാലക്കുഴ ശുദ്ധജല വിതരണ പദ്ധതി മന്ത്രി റോഷി അഗസ്റ്റിന് നാടിന് സമര്പ്പിച്ചു. മാത്യു കുഴല്നാടന് എം.എല്.എ.അധ്യക്ഷനായി. ജില്ലാ പഞ്ചായത്ത് പ്രസിഡന്റ് ഉല്ലാസ് തോമസ്, ബ്ലോക്ക് പഞ്ചായത്ത് പ്രസിഡന്റ് ആലീസ് ഷാജു, പഞ്ചായത്ത് പ്രസിഡന്റുമാരായ കെ.എ. ജയ, ഓമന മോഹനന്, വൈസ് പ്രസിഡന്റുമാരായ ബിജു മുണ്ടപ്ലാക്കില്, സാബു പൊതുര്, മുന് എം.എല്.എ.മാരായ എല്ദോ എബ്രാഹം, ജോസഫ് വാഴക്കന്, ടെക്നിക്കല് അംഗം ജി. ശ്രീകുമാര്, അലക്സ് കണ്ണമല, മധ്യമേഖലാ ചീഫ് എന്ജിനീയര് ടി.എസ്. സുധീര്, ജോഷി സ്കറിയ തുടങ്ങിയവര് സംസാരിച്ചു.
2016-ല് 13.5 കോടി രൂപയുടെ അനുമതിയോടെ തുടങ്ങിയ പദ്ധതിയാണിത്. ആരക്കുഴ മൂഴിയിലെ കിണറ്റില് തൊടുപുഴയാറില്നിന്ന് ശേഖരിക്കുന്ന വെള്ളം പണ്ടപ്പിള്ളി കൊന്നാനിക്കാട്ട് ശുദ്ധീകരണ ശാലയിലെത്തിക്കും. ഇവിടെനിന്ന് ശുദ്ധീകരിച്ച ജലം കുമ്പലത്തുമല , അച്ചക്കോട്ടുമല, കൊന്നാനിക്കാട്ട് എന്നിവിടങ്ങളിലെ സംഭരണികളിലെത്തിച്ച് വിതരണം ചെയ്യും. 55 ലക്ഷം ലിറ്റര് പ്രതിദിനം ശുദ്ധീകരിക്കും
