തിരുവനന്തപുരം : കോവിഡ് രോഗവ്യാപനം ഉയര്ത്തുന്ന വെല്ലുവിളികള്ക്കിടയില്, കനത്തസുരക്ഷയില് രാജ്യം 73–ാം റിപ്പബ്ലിക് ദിനം ആഘോഷിക്കുന്നു. സംസ്ഥാനത്തെ റിപ്പബ്ലിക് ദിനാഘോഷങ്ങള്ക്ക് സെന്ട്രല് സ്റ്റേഡിയത്തില് ഗവര്ണര് ആരിഫ് മുഹമ്മദ് ഖാന് അഭിവാദ്യം സ്വീകരിച്ചു. കോവിഡ് വ്യാപനം രൂക്ഷമായതിനാല് പൊതുജനങ്ങള്ക്ക് ചടങ്ങുകളില് പ്രവേശനമില്ല. അടിസ്ഥാന സൗകര്യ വികസനത്തില് മികച്ച പുരോഗതി കേരളം കൈവരിച്ചുവെന്ന് തിരുവനന്തപുരത്ത് നടന്ന റിപ്പബ്ലിക്ക് ദിന പരേഡില് പങ്കെടുത്തുകൊണ്ട് ഗവര്ണര് പറഞ്ഞു. ഹൈവേ വികസനം, ജലപാത, ഗ്യാസ് പൈപ്പ് ലൈന് എന്നിവ കമ്മീഷന് ചെയ്തത് മികച്ച നേട്ടമാണ്.
കോവിഡ് മൂന്നാം തരംഗത്തിനെതിരായ പോരാട്ടത്തിനിടയിലും മുഖ്യമന്ത്രി പിണറായി വിജയന് നയിക്കുന്ന കേരളത്തിന് നീതി ആയോഗ് റാങ്കിംഗില് തുടര്ച്ചയായി നേട്ടം കൈവരിക്കാന് സാധിച്ചെന്നും ഗവര്ണര് പറഞ്ഞു. റിപ്പബ്ലിക്ദിന പ്രസംഗത്തില് മുഖ്യമന്ത്രി പിണറായി വിജയനെയും കേരളത്തിന്റെ നേട്ടങ്ങളെയും പുകഴ്ത്തി ഗവര്ണര് ആരിഫ് മുഹമ്മദ് ഖാന്. നീതി ആയോഗ് സൂചികയിലെ കേരളത്തിന്റെ നേട്ടം സൂചിപ്പിച്ചാണ് ഗവര്ണര് അഭിനന്ദിച്ചത്. പല മേഖലകളിലും കേരളത്തിന്റെ നേട്ടം സ്തുത്യര്ഹമാണ്. കോവിഡ് പ്രതിരോധത്തിലും വാക്സിനേഷനിലും കേരളം ഒന്നാമതാണ്. ദേശീയ സ്വപ്നങ്ങള് കൈവരിക്കുന്നതില് കേരളത്തിന്റെ പങ്കു വലുതാണെന്ന് പറഞ്ഞ അദ്ദേഹം മുഖ്യമന്ത്രിയെ പേരെടുത്ത് പറഞ്ഞ് അഭിനന്ദിക്കുകയും ചെയ്തു.
