പത്തനംതിട്ട : അബാന് ഫ്ളൈ ഓവറിന്റെ സര്വീസ് റോഡുകള്ക്കായുള്ള ഭൂമി ഏറ്റെടുക്കല് നടപടികള് വേഗത്തില് പൂര്ത്തിയാക്കുമെന്ന് ആരോഗ്യ-വനിതാ ശിശുവികസന വകുപ്പ് മന്ത്രി വീണാ ജോര്ജ് പറഞ്ഞു. ഭൂവുടമകളില് നിന്നു മുന്കൂറായി സ്ഥലം ലഭ്യമാക്കാനുള്ള നടപടികളുടെ ഭാഗമായി കളക്ടറേറ്റ് കോണ്ഫറന്സ് ഹാളില് നടന്ന ചര്ച്ചയില് അധ്യക്ഷത വഹിച്ച് സംസാരിക്കുകയായിരുന്നു മന്ത്രി. ഭൂമി ഏറ്റെടുക്കല് നടപടികള് ത്വരിതഗതിയിലാക്കാനും നഷ്ടപരിഹാരതുക കണക്കാക്കനുമായി പ്രത്യേക സര്വേ ടീം രൂപീകരിക്കും. നിര്മാണപ്രവര്ത്തനങ്ങള്ക്ക് ഭൂവുടമകളുടെ പൂര്ണപിന്തുണയുണ്ടെന്നും നിയമാനുസൃതമായി പരമാവധി ലാഭം ഇവര്ക്ക് ലഭിക്കുന്ന തരത്തില് സ്ഥലം ഏറ്റെടുക്കാനുള്ള പ്രവര്ത്തനങ്ങളാണ് നടക്കുന്നതെന്നും മന്ത്രി പറഞ്ഞു.
ഫ്ളൈ ഓവറിന്റെ നിര്മാണം വളരെ വേഗത്തിലാണ് പുരോഗമിക്കുന്നത്.
ഫ്ളൈ ഓവറിന്റെ പാലത്തിന്റെ രണ്ടു സ്പാനുകള് പൂര്ത്തീകരിച്ചു. മൂന്നാമത്തെ സ്പാനിന്റെ കോണ്ക്രീറ്റിംഗ് പ്രവര്ത്തികള് ആരംഭിച്ചു. 92 പൈലുകളില് 88 എണ്ണത്തിന്റെ നിര്മാണം പൂര്ത്തിയായതായും മന്ത്രി പറഞ്ഞു. നഗരത്തിന്റെ മറ്റൊരു പ്രധാന വികസനപദ്ധതിയായ ജില്ലാ സ്റ്റേഡിയം കോംപ്ലക്സിന് സാങ്കേതിക അനുമതിയായെന്നും ടെണ്ടര് നടപടികള് നടക്കുകയാണെന്നും മന്ത്രി പറഞ്ഞു. യോഗത്തില് ജില്ലാ കളക്ടര് എ. ഷിബു, ലാന്ഡ് റവന്യു ഡെപ്യൂട്ടി കളക്ടര് (എല്.എ) ജയശ്രീ, വകുപ്പ് തല ഉദ്യോഗസ്ഥര്, ഭൂവുടമകള് തുടങ്ങിയവര് പങ്കെടുത്തു.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
