പരപ്പനങ്ങാടി : അര്ധരാത്രി വീട്ടില് കയറി പ്രായപൂര്ത്തിയാകാത്ത പെണ്കുട്ടിയെ പീഡിപ്പിച്ച കേസിലെ പ്രതിയായ യുവാവ് അറസ്റ്റില്. പരപ്പനങ്ങാടി ആവില് ബീച്ച് അസറുദ്ദീന് (22) ആണ് മാവൂര് പോലീസ് അറസ്റ്റ് ചെയ്തത്. സമൂഹമാധ്യമത്തിലൂടെ പരിചയപ്പെട്ട പെണ്കുട്ടിയെയാണ് യുവാവ് രാത്രി വീട്ടിലെത്തി പീഡിപ്പിച്ചത്.
സുഹൃത്തിന്റെ ചികിത്സക്കെന്ന വ്യാജേന പെണ്കുട്ടിയുടെ കയ്യില് നിന്നും പ്രതി പണവും കൈക്കലാക്കിയിരുന്നു. മറ്റു കുട്ടികളെ പ്രതി സമാനരീതിയില് പീഡിപ്പിച്ചിട്ടുണ്ടോയെന്ന് പോലീസ് അന്വേഷിക്കുന്നുണ്ട്. കോടതിയില് ഹാജരാക്കിയ പ്രതിയെ റിമാന്ഡ് ചെയ്തു. മാവൂര് സി.ഐ വിനോദ്, സീനിയര് സിവില് പോലീസ് ഓഫീസര് രജീഷ്, സിവില് പോലീസ് ഓഫീസര്മാരായ ലിജുലാല്, അജീഷ് എന്നിവരാണ് പ്രതിയെ അറസ്റ്റ് ചെയ്തത്.
