കൊല്ലം : എട്ടും പത്തും വയസ് മാത്രം പ്രായമുള്ള പെണ്കുട്ടികളോട് ലൈംഗികാതിക്രമം നടത്തിയ വ്യാപാരിയെ പള്ളിത്തോട്ടം പോലീസ് അറസ്റ്റ് ചെയ്തു.
കൊല്ലം ജോനകപ്പുറം വടക്കേവിള വില്ലേജില് ഗോപാലശേരി ജിവി നഗര് 10 ല് ഇടത്തോടത്ത് കിഴക്കതില് വീട്ടില് ഫൈസലാണ് (34) അറസ്റ്റിലായത്. ഫൈസല് കഴിഞ്ഞ ഒരു വര്ഷമായി തന്റെ കടയില് സാധനം വാങ്ങാന് വന്ന എട്ടും പത്തും വയസുള്ള പെണ്കുട്ടികളുടെ ശരീര ഭാഗങ്ങളിലും കൈകളിലും കടന്നു പിടിച്ച് ലൈംഗികാതിക്രമം നടത്തുകയായിരുന്നു.
പെണ്കുട്ടികള് മാതാപിതാക്കളോട് വിവരം പറഞ്ഞതിനെ തുടര്ന്ന് പള്ളിത്തോട്ടം പോലീസിന് പരാതി നല്കുകയായിരുന്നു. പള്ളിത്തോട്ടം ഇന്സ്പെക്ടര് ഫയാസിന്റെ നേതൃത്വത്തില് എസ്.ഐമാരായ സൂഖേഷ്, അനില്ബേസില്, മാത്യു, എ.എസ്.ഐ ശ്രീകുമാര് എസ്.സി.പി.ഒ ഷീജ എന്നിവരടങ്ങിയ സംഘമാണ് പ്രതിയെ പിടികൂടിയത്.
