കാസര്കോട് : ടിപ്പര് ലോറി ബൈക്കിലിടിച്ച് യുവാവ് മരിച്ചു. കാസര്കോട് പൈവളിഗെ ബട്ടക്കളായി പാലത്തിന് സമീപം തിങ്കളാഴ്ച രാത്രിയാണ് അപകടം സംഭവിച്ചത്. കുടാല് മെര്ക്കളയിലെ പരപ്പു ഹൗസില് എം അബൂബക്കര് എന്ന സിദ്ദിഖ് (37) ആണ് മരിച്ചത്.
ഗുരുതരമായി പരിക്കേറ്റ സിദ്ദിഖിനെ കാസര്കോട്ടെ ആശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. വിവരമറിഞ്ഞ് പോലീസ് സ്ഥലത്തെത്തി അന്വേഷണം ആരംഭിച്ചു. പരിയാരം കണ്ണൂര് മെഡിക്കല് കോളജില് പോസ്റ്റുമോർട്ടത്തിന് ശേഷം ബന്ധുക്കള്ക്ക് വിട്ടുകൊടുക്കും.
