കൊച്ചി: വന്ദേ ഭാരത് മിഷന്റെ ഭാഗമായി എയര് ഇന്ത്യ കൊച്ചിയില് നിന്നു നേരിട്ട് ലണ്ടനിലേക്കും തിരിച്ചും വിമാന സര്വ്വീസ് നടത്തും. ഈ മാസം 28 മുതല് അടുത്ത മാസം 27 വരെയാണ് സര്വ്വീസുകള്. ആഴ്ചയില് രണ്ട് സര്വ്വീസുകളാണ് ഉണ്ടാകുക.
ഞായറാഴ്ച പുലര്ച്ചെ 12.15ന് ലണ്ടനില് നിന്നു കൊച്ചിയിലെത്തുന്ന വിമാനം ഉച്ചയ്ക്കു 12.20ന് മടങ്ങും. വെള്ളിയാഴ്ച പുലര്ച്ചെ നാലിന് എത്തുന്ന രണ്ടാമത്തെ സര്വ്വീസ് രാവിലെ ആറിന് മടങ്ങും.
അതിനിടെ വിദേശത്തു നിന്നു കൊച്ചിയിലേക്ക് ഇന്നു 12 വിമാനങ്ങള് സര്വ്വീസ് നടത്തും. എമിറേറ്റ്സിന്റെ ദുബായ്, എയര് അറേബ്യയുടെ ഷാര്ജ വിമാനങ്ങള് പുലര്ച്ചെയെത്തും. ഖത്തര് എയര്വേയ്സിന്റെ 3 ദോഹ വിമാനങ്ങളില് ആദ്യത്തേത് രാവിലെ 10.15നും രണ്ടാമത്തേതു രാത്രി 7.30നും മൂന്നാമത്തേത് 8.30നുമെത്തും. ഇന്ഡിഗോയുടെ മാലി വിമാനം രാവിലെ 11.30ന് വരും.
എയര് ഇന്ത്യ എക്സ്പ്രസിന്റെ ദുബായ് വിമാനം വൈകീട്ട് 5.35നെത്തും. കുവൈത്ത് എയര്വേയ്സിന്റെ കുവൈത്ത് വിമാനം 6.15നും ഇന്ഡിഗോയുടെ ദുബായ് വിമാനം രാത്രി എട്ടിനും നെടുമ്പാശ്ശേരി എത്തു. ഇന്ഡിഗോയുടെ ദോഹ വിമാനം 9.25നും ദമാം വിമാനങ്ങള് 10നും 10.55നുമാണ് എത്തുന്നത്.
