കളമശ്ശേരി : ഗവ.മെഡിക്കല് കോളജിലേക്ക് രോഗിയുമായി പോവുകയായിരുന്ന ആംബുലന്സ് മറിഞ്ഞ് രോഗിയടക്കം ആറ് പേര്ക്ക് പരിക്ക്. മാള ഗുരുധര്മം ആശുപത്രിയില്നിന്നും രോഗിയുമായി കളമശ്ശേരി മെഡിക്കല് കോളജിലേക്കുള്ള യാത്രക്കിടെ നഗരസഭ ബസ്സ്റ്റാന്ഡിന് സമീപം മീഡിയനില് തട്ടി നിയന്ത്രണം വിട്ട് മറിയുകയായിരുന്നു.
ആംബുലന്സില് ഉണ്ടായിരുന്ന രോഗി മാള സ്വദേശി സണ്ണിയും (52), ഇയാളുടെ ബന്ധുക്കളായ മൂന്ന് പേര്ക്കും, നഴ്സിനും ഡ്രൈവര്ക്കുമാണ് പരിക്കേറ്റത്. ഇവര് മെഡിക്കല് കോളജില് ചികിത്സ തേടി. രാത്രി എട്ടരയോടെയാണ് അപകടം. പ്രദേശത്ത് വെളിച്ചമില്ലാത്തതും, ചാറ്റല് മഴയും അപകടത്തിന് വഴിവെച്ചു. ക്രെയിന് എത്തിച്ചാണ് ആംബുലന്സ് ഉയര്ത്തിയത്.
