റാന്നി : നിയന്ത്രണം നഷ്ടപ്പെട്ട കാര് വീടിന്റെ പോര്ച്ചില് കിടന്ന കാറിനു മുകളിലേക്കു മറിഞ്ഞു അഞ്ചു പേര്ക്കു പരിക്ക്. മന്ദമരുതി വെച്ചൂച്ചിറ റോഡില് ആനമാടത്തിന് സമീപം പുത്തന്പുരയ്ക്കല് മോഹന്ജേക്കബിന്റെ വീടിന്റെ മുകളിലേക്കാണ് കാര് പതിച്ചത്. ഇരുപഞ്ചടി താഴ്ചയിലേക്കാണ് കാര് മറിഞ്ഞത്. കാറില് സഞ്ചരിച്ച മൂന്നു മാസം പ്രായമുള്ള സാരമായി പരിക്കേറ്റ കുട്ടിയെ ഇരുപത്താറാം മൈലിലെ സ്വകാര്യ ആശുപത്രിയില് പ്രവേശിപ്പിച്ചു.
മണ്ണടിശാല മേരികോട്ടേജ് ലീലാമ്മ ഡിക്രൂസ്, മകന് ബിബിന് ഡിക്രൂസ് ഭാര്യയും രണ്ടു മക്കളുമാണ് കാറിലുണ്ടായിരുന്നത്. കാറില് നിന്നും തെറിച്ചു വീണ കുട്ടിയെ വീടിന്റെ പേര്ച്ചില് നിന്നുമാണ് എടുത്തത്. രണ്ടും കാറും നിശേഷം തകര്ന്നു. ഞായറാഴ്ച രാത്രി ഏഴ് നാപ്പതിനാണ് സംഭവം. റാന്നിയില് നിന്നും വെച്ചൂച്ചിറക്ക് കയറ്റം കയറി വരികയായിരുന്ന കാര് നിയന്ത്രണം നഷ്ടപ്പെട്ട് ഒരു ഈടിയും കടന്ന് വീടിന്റെ മുറ്റത്തു കിടന്ന കാറിനു മുകളിലും വീടിനും മുകളിലേക്കും വീഴുകയായിരുന്നു.
