കാക്കനാട് : ക്രിസ്ത്യന് വിദ്യാര്ഥികള്ക്ക് മതപഠനം നല്കുക എന്നത് ഭരണഘടന അനുവദിച്ച ന്യൂനപക്ഷാവകാശമാണെന്ന് സിറോ മലബാര് പബ്ലിക് അഫയേഴ്സ് കമ്മീഷന്. സ്കൂള് പഠനത്തോടൊപ്പം തന്നെ ക്രൈസ്തവ വിദ്യാര്ത്ഥികള്ക്ക്, ക്രിസ്തീയ മതബോധനം നല്കുകയെന്നത് ക്രിസ്ത്യന് ന്യൂനപക്ഷപദവിയുള്ള വിദ്യാഭ്യാസ സ്ഥാപനങ്ങള്ക്ക് ഭരണഘടനാപരമായി നല്കപ്പെട്ടിരിക്കുന്ന ന്യൂനപക്ഷാവകാശങ്ങളുടെയും മത സ്വാതന്ത്ര്യത്തിന്റെയും ഭാഗമാണ്. വസ്തുത ഇതായിരിക്കെ ക്രിസ്ത്യന് കുട്ടികള്ക്ക് മാത്രമായി സ്കൂള് പഠനത്തില് ബൈബിള് ഉള്പ്പെടുത്തിയതിന്റെ പേരില് ക്രൈസ്തവ മാനേജ്മെന്റ് സ്കൂളിന് നോട്ടീസയച്ച കര്ണാടക വിദ്യാഭ്യാസവകുപ്പിന്റെ നടപടി തികച്ചും പ്രതിഷേധാര്ഹമാണെന്ന് സീറോ മലബാര് പബ്ലിക് അഫയേഴ്സ് കമ്മീഷന് ചെയര്മാന് ആര്ച്ചുബിഷപ്പ് ആന്ഡ്രൂസ് താഴത്ത് വ്യക്തമാക്കി.
