അടൂര്: ചേന്നംപള്ളി ജംഗ്ഷനില് ടിപ്പറും സ്കൂട്ടറും കൂട്ടിയിടിച്ചുണ്ടായ അപകടത്തില് ഒരാള് മരിച്ചു. പെരിങ്ങനാട് ചെറുപുഞ്ചയില് സതീഷ് ഭവനം വീട്ടില് സതീഷ് കുമാര് ആണ് മരിച്ചത്. 41 വയസ്സായിരുന്നു. അടൂര് ഭാഗത്തുനിന്ന് വരികയായിരുന്നു സതീഷ് കുമാറിന്റെ ആക്ടീവ സ്കൂട്ടറും കായംകുളം ഭാഗത്തുനിന്നും വരികയായിരുന്ന ടിപ്പര് ലോറിയും തമ്മിലാണ് കൂട്ടിയിടിച്ചത്. വെള്ളിയാഴ്ച വൈകീട്ട് ഏഴരയോടെയാണ് സംഭവം. അപകടം സംഭവിച്ച ഉടന്തന്നെ സതീഷ് കുമാറിനെ അടൂര് ഗവണ്മെന്റ് ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. മൃതദേഹം മോര്ച്ചറിയില് സൂക്ഷിച്ചിരിക്കുകയാണ്.
