കൊട്ടാരക്കര : പ്രഭാത സവാരിക്കിടെ കാറിടിച്ച് ഗുരുതരമായി പരിക്കേറ്റ സിപിഎം ബ്രാഞ്ച് സെക്രട്ടറി മരിച്ചു. സിപിഎം പുത്തൂര് ബ്രാഞ്ച് സെക്രട്ടറിയും കര്ഷക സംഘം വില്ലേജ് ഭാരവാഹിയുമായ ചെറുമങ്ങാട് ശ്യാം ഭവനില് രത്നാകരന് പിള്ള (ബാബു – 64 ) ആണ് മരിച്ചത്. ഇന്നലെ രാവിലെ ആറുമണിയോടെ പുത്തൂര് വല്ലഭന്കരയിലായിരുന്നു അപകടം. പുത്തൂര് – ചീരങ്കാവ് റോഡിലൂടെ നടന്നു വരവേ കാറിടിക്കുകയായിരുന്നു. ഉടന് തന്നെ കൊട്ടാരക്കര താലൂക്കാശുപത്രിയിലെത്തിച്ചെങ്കിലും ജീവന് രക്ഷിക്കാനായില്ല. മൃതദേഹം പോലീസ് നടപടികള്ക്ക് ശേഷം പോസ്റ്റ്മോര്ട്ടം നടത്തി സംസ്കരിച്ചു. ഭാര്യ : ലതാകുമാരി. മക്കള് : ശ്യാം, ശരണ്യ. മരുമക്കള് : വിനേഷ്, ശ്രീലക്ഷമി. പുത്തൂര് പോലീസ് കേസെടുത്തു.
