പന്തളം : നിയന്ത്രണം വിട്ട കാർ ഇടിച്ച് ഗുരുതരമായ പരുക്കുകളോടെ ആശുപത്രിയിൽ ചികിത്സയിലായിരുന്നയാൾ മരിച്ചു. കുരമ്പാല പവിത്രം സ്റ്റോർ ഉടമ പന്തളം, കുരമ്പാല സൗത്ത് കൃഷ്ണ ഭവനത്തിൽ കെ.സി. സജികുമാർ (49) ആണ് മരിച്ചത്. ഏപ്രിൽ 24 ന് രാവിലെ 9.45 ന് കുരമ്പാല ജംഗ്ഷന് സമീപത്ത് നിന്നും മത്സ്യം വാങ്ങിയ ശേഷം സ്കൂട്ടറിൽ കയറാൻ തുടങ്ങുമ്പോൾ ആയിരുന്നു അപകടമുണ്ടായത്. കൊട്ടാരക്കര ഭാഗത്തേക്ക് പോവുകയായിരുന്ന കാർ നിയന്ത്രണം വിട്ട് റോഡരികിൽ പാർക്ക് ചെയ്തിരുന്ന മൂന്ന് സ്കൂട്ടറുകൾ ഇടുകയും ചെയ്തു. ശനിയാഴ്ച വൈകീട്ട് 5.15 മണിയോടെ വൈക്കം ഇൻഡോ-അമേരിക്കൻ ആശുപത്രിയിൽ ചികിത്സയിൽ കഴിയവെ ആയിരുന്നു മരണം. ഭാര്യ: മായാദേവി. മക്കൾ: വൈഷ്ണവ് , പാർവതി. എസ്.നായർ. സംസ്ക്കാരം പിന്നീട്.
