പേരുവാലിയിൽ ഓട്ടോ നിയന്ത്രണം വിട്ട് മറിഞ്ഞ് ഒരാൾ മരിച്ചു

കോന്നി : തണ്ണിത്തോട് റോഡിൽ പേരുവാലിക്ക് സമീപം ഓട്ടോ കലുങ്കിൽ ഇടിച്ച് നിയന്ത്രണം വിട്ട് മറിഞ്ഞ് ഒരാൾ മരിച്ചു. വൈകീട്ട് ആറ് മണിയോടെ ആയിരുന്നു അപകടം. കൊല്ലൻപടി സ്വദേശി വാലുപുരയിടത്തിൽ സുഭാഷ് (40) ആണ് മരിച്ചത്. സുബാഷും കൂടെ ഉണ്ടായിരുന്ന ആളും മണ്ണീറയിലെ ബന്ധു വീട്ടിൽ പോകും വഴി ഇവർ സഞ്ചരിച്ച ഓട്ടോ നിയന്ത്രണം വിട്ട് മറിയുകയായിരുന്നു. തുടർന്ന് പത്തനംതിട്ട ജനറൽ ആശുപത്രിയിൽ പ്രവേശിപ്പിച്ചെങ്കിലും മരണം സംഭവിച്ചു. ഭാര്യ :ഗിരിജ, മകൾ : സുലജ