തിരുവനന്തപുരം: സംസ്ഥാനത്ത് അഞ്ച് ദിവസം കൂടി മഴ തുടരുമെന്ന് റവന്യൂ മന്ത്രി കെ രാജന്. നാളെ അഞ്ച് ജില്ലകളില് യെല്ലോ അലേര്ട്ടാണ്. അപകടകരമായ മരങ്ങള് മുറിക്കാന് റവന്യൂ വകുപ്പിന് നിര്ദേശം നല്കിയിട്ടുണ്ട്. നിലവില് നാല് എന്ഡിആര്എഫ് ടീമുകള് കേരളിഞ്ഞിലുണ്ട്. അടിയന്തര ഘട്ടങ്ങളില് നാല് ലക്ഷം പേര്ക്ക് താമസിക്കാന് സൗകര്യം ഒരുക്കിയിട്ടുണ്ടെന്നും മന്ത്രി മാധ്യമങ്ങളോട് പറഞ്ഞു. കാറ്റ് പ്രവചനാതീതമാണ്. ഉള്മേഖലയിലെ കാറ്റ് പുതിയ പ്രതിഭാസമാണെന്നും ഗസ്റ്റിനാഡോ ചുഴലിക്കാറ്റാണ് ഇതിന് കാരണമെന്നും അദ്ദേഹം പറഞ്ഞു. സംസ്ഥാനത്ത് 23 ക്യാമ്പുകള് തുറന്നിട്ടുണ്ട്. കൂടാതെ കേരളത്തില് 14 ഡാമുകള് തുറന്നുവെന്നും റവന്യൂ മന്ത്രി അറിയിച്ചു.
മൂഴിയാര് തുറക്കാന് അനുമതി കിട്ടിയിട്ടുണ്ട്. നഷ്ടപരിഹാരം പെട്ടെന്ന് നല്കാന് സൗകര്യം ഒരുക്കിയിട്ടുണ്ടെന്നും 25000 രൂപ വില്ലേജ് ഓഫീസര്മാര്ക്ക് ദുരന്ത നിവാരണത്തിന് കൈമാറിയിട്ടുണ്ടെന്നും അദ്ദേഹം അറിയിച്ചു. കവളപ്പാറ ഉരുള്പൊട്ടല് ദുരന്തബാധിതരുടെ പുനരധിവാസം സംബന്ധിച്ച ഹൈക്കോടതിയുടെ വിമര്ശനം സൂഷ്മമായി പരിശോധിക്കുമെന്നും റവന്യൂ മന്ത്രി അറിയിച്ചു.
