കോട്ടയം: പാലാ റോഡില് ബൈക്ക് നിയന്ത്രണം വിട്ട് മറിഞ്ഞു. യാത്രികരുടെ മുകളിലൂടെ മീന്വണ്ടി കയറിയിറങ്ങി യുവാവും മാതൃസഹോദരിയും മരിച്ചു. നിരവധി ക്രിമിനല് കേസുകളിലെ പ്രതിയായ പള്സര് കണ്ണന്, ഇയാളുടെ അമ്മയുടെ സഹോദരി സിന്ധു എന്നിവരാണ് മരിച്ചത്. ഏറ്റുമാനൂര് കിസ്മത്ത് പടിയിലായിരുന്നു അപകടം.
ഏറ്റുമാനൂര് ഭാഗത്ത് നിന്നും ബൈക്കില് വീട്ടിലേയ്ക്കു പോകുകയായിരുന്നു കണ്ണനും സിന്ധുവും. ഈ സമയത്ത് മുന്നില് പോയ ബൈക്കിനു പിന്നില് കണ്ണന്റെ ബൈക്കിന്റെ ചക്രങ്ങള് തട്ടുകയായിരുന്നു. ഇതോടെ കണ്ണനും സിന്ധുവും സഞ്ചരിച്ച ബൈക്കിന്റെ നിയന്ത്രണം തെറ്റുകയായിരുന്നു. നിയന്ത്രണം വിട്ട ബൈക്ക് റോഡിലേയ്ക്ക് വീണു. ഈ സമയം പാലാ ഭാഗത്തു നിന്നും വന്ന മീന്ലോറി ബൈക്ക് യാത്രികരുടെ തലയിലൂടെ കയറിയിറങ്ങുകയായിരുന്നു. ഏറ്റുമാനൂരിലെ നിരവധി ക്രമിനല് കേസുകളിലെ പ്രതിയാണ് കണ്ണന്.