തിരുവല്ല: എംസി റോഡിലെ കുറ്റൂര് ആറാട്ടു കടവില് കാറും ഇരുചക്ര വാഹനങ്ങളും കൂട്ടിയിടിച്ചുണ്ടായ അപകടത്തില് രണ്ടു പേര്ക്ക് പരുക്കേറ്റു. ഒരാളുടെ നില ഗുരുതരം. സ്കൂട്ടര് യാത്രികന് തലയാര് മേമനയില് വീട്ടില് സോമന്, ബൈക്ക് യാത്രികനായിരുന്ന കവിയൂര് സ്വദേശി സുജിഷ് എന്നിവര്ക്കാണ് പരിക്കേറ്റത്.
ഇന്ന് രാവിലെ 10 മണിയോടെ ആറാട്ടുകടവ് ജങ്ഷനിലായിരുന്നു അപകടം. ചെങ്ങന്നൂര് ഭാഗത്ത് നിന്നും വന്ന കാറും തലയാര് ഭാഗത്തേക്ക് പോയ ആക്ടീവയും തമ്മിലാണ് കൂട്ടിയിടിച്ചത്. തുടര്ന്ന് നിയന്ത്രണം വിട്ട കാര് ബൈക്കിലും ഇടിക്കുകയായിരുന്നു. ഇരുവരെയും തിരുവല്ലയിലെ സ്വകാര്യ മെഡിക്കല് കോളേജ് ആശുപത്രിയില് പ്രവേശിപ്പിച്ചു. ഇതില് സോമന്റെ നില ഗുരുതരമായി തുടരുകയാണ്.
