മാവേലിക്കര : കൊല്ലം – തേനി ദേശീയപാതയിൽ കൊച്ചാലുംമൂടിന് വടക്ക് കണ്ടയ്നർ ലോറി സ്കൂട്ടറിലിടിച്ച് സെക്യൂരിറ്റി ജീവനക്കാരൻ മരിച്ചു. മാങ്കാംകുഴി വെട്ടിയാർ താജ് മൻസിലിൽ അൻസാരി (55) ആണ് മരിച്ചത്. വിമുക്ത ഭടനാണ്. ശനിയാഴ്ച രാവിലെ 6.30 നാണ് അപകടം. മൂന്നു വർഷമായി ഹരിപ്പാട്ടുള്ള സ്വകാര്യ സ്ഥാപനത്തിൽ സെക്യൂരിറ്റി ജീവനക്കാരനായി ജോലി ചെയ്യുകയായിരുന്നു.
രാത്രി ഡ്യൂട്ടി കഴിഞ്ഞ് സ്കൂട്ടറിൽ വീട്ടിലേക്ക് മടങ്ങും വഴി എതിരെ അമിത വേഗതയിൽ വന്ന കണ്ടയ്നർ ലോറി ഇടിച്ചു തെറിപ്പിക്കുകയായിരുന്നു. അപകടം കണ്ട് ഓടിയെത്തിയവർ കൊല്ലകടവിലെ സ്വകാര്യ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. മീൻ കയറ്റി വന്ന ലോറിയുടെ ഡ്രൈവർ തമിഴ്നാട് സ്വദേശി അൻപരസൻ ഗണപതിയെ മാവേലിക്കര പോലീസ് കസ്റ്റഡിയിലെടുത്തു. അൻസാരിയുടെ ഭാര്യ: സജീല. മക്കൾ:ഡോ. ആഷിദ അസീസ്, അമീഗ അൻസാരി. മരുമകൻ: അസീസ്.
