മലപ്പുറം: വളാഞ്ചേരി വട്ടപ്പാറയില് പാചക വാതക ടാങ്കര് ലോറി മറിഞ്ഞ് അപകടം. മംഗലാപുരത്ത് നിന്ന് എറണാകുളത്തേക്ക് പാചകവാതകവുമായി പോവുകയായിരുന്ന ടാങ്കറാണ് അപകടത്തില് പെട്ടത്. വാതകച്ചോര്ച്ചയെ തുടര്ന്ന് നൂറ് മീറ്റര് ചുറ്റളവിലുള്ള പ്രദേശവാസികളെ മുഴുവനായി മാറ്റി അപകടത്തില് നിസാര പരിക്കുകളോടെ ഡ്രൈവര് തമിഴ്നാട് കരൂര് സ്വദേശി ശെല്വരാജിനെ വളാഞ്ചേരിയിലെ സ്വകാര്യ അശുപത്രിയില് പ്രവേശിപ്പിച്ചിരിക്കുകയാണ്.
ഫയര് ആന്ഡ് റെസ്ക്യൂവും പോലീസും ചേര്ന്ന് രക്ഷാപ്രവര്ത്തനം നടത്തുന്നു. ഇന്നലെ രാത്രിയാണ് അപകടമുണ്ടായത്. വാതക ചോര്ച്ചയെ തുടര്ന്ന് പ്രദേശത്തെ വൈദ്യുതി ബന്ധവും വിഛേദിച്ചിരിക്കുകയാണ്. മറിഞ്ഞ ടാങ്കര് ലോറിയില് നിന്നും വാതകം ചേളാരി ഐഒസി പ്ലാന്റിലെ വിദഗ്ധരെത്തി ക്യാപ്സൂള് ടാങ്കറുളിലേക്ക് മാറ്റുന്ന പ്രവര്ത്തി പുരോഗമിക്കുകയാണ്. ദേശീയ പാതയില് ഗതാഗതത്തിന് നിയന്ത്രണവും ഏര്പ്പെടുത്തി
