നെയ്യാറ്റിന്കര : റോഡില് ഒഴുകി കിടന്ന ഓയിലില് സ്കൂട്ടര് തെന്നി വീണ് മകനൊപ്പം യാത്ര ചെയ്തിരുന്ന വീട്ടമ്മ മരിച്ചു. നേമം ഇടയ്ക്കോട് തറട്ടയില് പുത്തന് വീട്ടില് റിട്ട.ട്രാന്സ്പോര്ട്ട് ഉദ്യോഗസ്ഥന് അനില് കുമാറിന്റെ ഭാര്യ വിശ്വജയന്തി(48)യാണ് മരിച്ചത്. വണ്ടിത്തടം ശിശുമന്ദിരത്തിലെ അധ്യാപികയാണ് വിശ്വജയന്തി.
രാവിലെ കല്ലിയൂര് കാക്കാമൂല റോഡില് സ്റ്റേഡിയത്തിനും വില്ലേജ് ഓഫിസിനുമിടയിലെ ഇറക്കത്തിലായിരുന്നു അപകടം . സ്കൂട്ടര് ഓടിച്ചിരുന്ന അജിന് നിസ്സാര പരിക്കേറ്റു. മുന്നില്പ്പോയ മറ്റൊരു സ്കൂട്ടര് ഓയിലില് തെന്നിവീണപ്പോള് അതില് ഇവര് സഞ്ചരിച്ചിരുന്ന സ്കൂട്ടര് ഇടിച്ചുവീഴുകയായിരുന്നു. മക്കള് – അജിന്, എബിന്.
