ജയ്പുര്: രാജസ്ഥാനിലെ കോട്ടയില് വിവാഹസംഘം സഞ്ചരിച്ച ബസ് പുഴയിലേയ്ക്ക് മറിഞ്ഞ് 26 പേര് മരിച്ചു . മരിച്ചവരില് 11 പുരുഷന്മാരും 10 സ്ത്രീകളും മൂന്ന് കുട്ടികളും ഉള്പ്പെടുന്നു. രാജസ്ഥാനിലാണ് അതിദാരുണ ദുരന്തം ഉണ്ടായത്. മൂന്ന് പേര്ക്ക് പരിക്കേറ്റു. കോട്ട-ദൗസ ഹൈവേയില് ബുണ്ടി ജില്ലയില് ഇന്ന് രാവിലെയാണ് അപകടം നടന്നത്. 28 പേരുമായി ഇന്ന് പുലര്ച്ചെ കോട്ടയില് നിന്ന് സവായ് മധോപൂരിലേക്ക് പുറപ്പെട്ട ബസാണ് അപകടത്തില്പ്പെട്ടത്.
പാപ്ടി ഗ്രാമത്തിനടത്തുള്ള പാലത്തില് വെച്ച് ഡ്രൈവര്ക്ക് ബസിന്റെ നിയന്ത്രണം നഷ്ടപ്പെടുകയായിരുന്നുവെന്ന് പോലീസ് പറഞ്ഞു. കൈവരികളോ സുരക്ഷാ ഭിത്തികളോ ഇല്ലാത്ത പാലത്തില് നിന്ന് മേജ് നദിയിലേക്കാണ് ബസ് പതിച്ചത്. 13 പേര് സംഭവ സ്ഥലത്ത് വെച്ച് തന്നെ മരിച്ചു. പത്ത് പേര് ആശുപത്രിയിലേക്ക് കൊണ്ടുപോകും വഴിയാണ് മരിച്ചത്.
Rajasthan: Several feared dead after a bus falls into a river near a village on Kota Lalsot Mega Highway in Bundi. More details awaited. pic.twitter.com/FlLtjes9H7
— ANI (@ANI) February 26, 2020
