റാന്നി : വെച്ചൂച്ചിറ കുംഭിത്തോട്ടിൽ ഇരുചക്ര വാഹനങ്ങള് കൂട്ടിയിടിച്ചുണ്ടായ അപകടത്തിൽ ഒരാൾ മരിച്ചു. കുംഭിത്തോട് ആലപ്ലാമൂട്ടിൽ ഔസേപ്പിന്റെ മകന് സാബു ജോസഫ് (ആലിച്ചൻ-42) ആണ് മരിച്ചത്.ഇന്നു രാവിലെ ഒമ്പതു മണിയോടെയാണ് സംഭവം. വീട്ടില് നിന്നും ജോലിക്കായി പോകുന്നതിനിടയില് കുംഭിത്തോട് അമ്പാട്ടുപടി-നായ്ത്താനികുളം റോഡില് ആയിരുന്നു സംഭവം.
മുക്കൂട്ടുതറയിലെ സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. വീഴ്ചയില് തലയ്ക്കേറ്റ പരിക്കാണ് മരണകാരണമെന്ന് വെച്ചൂച്ചിറ പൊലീസ് പറഞ്ഞു. ഇന്ക്വസ്റ്റ് നടപടികള്ക്ക് ശേഷം കാഞ്ഞിരപ്പള്ളി താലൂക്കാശുപത്രിയില് സൂക്ഷിച്ചിരിക്കുന്ന മൃതദേഹം നാളെ പോസ്റ്റുമോര്ട്ടം നടപടികള്ക്കു ശേഷം ബന്ധുക്കള്ക്കു വിട്ടു കൊടുക്കും. ഭാര്യ: ബീന.മക്കള്: അലന്, അലീന, സംസ്ക്കാരം പിന്നീട്.
