പത്തനംതിട്ട : ഡിവൈഎഫ്ഐ നേതൃനിരയിലേക്ക് ആദ്യമായി ഒരു ട്രാന്സ് വുമണ്. ലയ മരിയ ജെയ്സനാണു ഡിവൈഎഫ്ഐ സംസ്ഥാന കമ്മിറ്റിയിലേക്ക് തെരഞ്ഞെടുക്കപ്പെട്ടത്. ഡിവൈഎഫ്ഐ കോട്ടയം കമ്മിറ്റിയിലെത്തി മാസങ്ങള് പിന്നിടുമ്പോഴാണ് ലയ സംസ്ഥാന കമ്മിറ്റി അംഗമായി തെരഞ്ഞെടുക്കപ്പെടുന്നത്. 2019 ല് ഡിവൈഎഫ്ഐ പ്രാഥമിക അംഗത്വം നേടിയ ലയ ചങ്ങനാശേരി ഇത്തിക്കാനം സ്വദേശിയാണ്.
തിരുവനന്തപുരം സോഷ്യല് വെല്ഫെയര് ബോര്ഡില് ഇ സ്ക്വയര് ഹബ് പ്രൊജക്ടില് കമ്പ്യൂട്ടര് അസിസ്റ്റന്റായി ജോലി ചെയ്യുന്നു. വി വസീഫിനെയാണ് ഡിവൈഎഫ്ഐ സംസ്ഥാന പ്രസിഡന്റായി തെരഞ്ഞെടുത്തിരിക്കുന്നത്. നിലവിലെ സംസ്ഥാന സെക്രട്ടറി വികെ സനോജ് ഈ സ്ഥാനത്ത് തുടരും. ചിന്താ ജെറോം , കെ യു ജെനീഷ് കുമാര് തുടങ്ങിയവര് സംസ്ഥാന കമ്മറ്റിയില് നിന്ന് ഒഴിവായി.
