ഒറ്റപ്പാലം : കയറംപാറയ്ക്കു സമീപം മിനി ലോറിയും കാറും കൂട്ടിയിടിച്ചു അപകടത്തിൽ 2 പേര്ക്കു പരുക്ക്. കാര് ഓടിച്ചിരുന്ന വനിതാ ഡോക്ടര് മലപ്പുറം കോട്ടയ്ക്കല് രണ്ടത്താണി പറമ്പത്ത്വില്ലയില് ഡോ.സിബിയ (34), ലോറി ഡ്രൈവര് കഞ്ചിക്കോട് പ്ലാങ്ങോട്ട് വീട്ടില് കൃഷ്ണന്കുട്ടി (48) എന്നിവര്ക്കാണു പരുക്കേറ്റത്. പാലക്കാട്- കുളപ്പുള്ളി പാതയില് കയറംപാറയിലെ ഹോസ്റ്റലിനു സമീപമാണ് അപകടം.
പരുക്കേറ്റ ഇരുവരെയും കണ്ണിയംപുറത്തെ സ്വകാര്യ ആശുപത്രിയില് പ്രവേശിപ്പിച്ചു. അപകടത്തില് കാറിന്റെ മുന്വശം പൂര്ണമായി തകരുകയും ലോറി നിയന്ത്രണം വിട്ടു മറിയുകയും ചെയ്തു. പരുക്കേറ്റ ഡോക്ടറെ ഏറെ ശ്രമപ്പെട്ടാണു പുറത്തെത്തിച്ചത്. അപകടത്തെത്തുടര്ന്നു റോഡില് ഗതാഗതം തടസ്സപ്പെട്ടു. പോലീസും നാട്ടുകാരും ചേര്ന്നു വാഹനങ്ങള് റോഡില് നിന്നു നീക്കിയാണു ഗതാഗതം പുനഃസ്ഥാപിച്ചത്. ഷൊര്ണൂരില് നിന്നു ഫയര്ഫോഴ്സും സ്ഥലത്തെത്തിയിരുന്നു.
