മലപ്പുറം : അബദ്ധത്തില് പിതാവില് നിന്ന് വെടിയേറ്റ് 15 വയസ്സുകാരന് ആശുപത്രിയില്. സംഭവത്തില് പിതാവും സഹോദരനും അറസ്റ്റില്. സഹോദരങ്ങളായ കടന്നമണ്ണ പങ്ങിണിക്കാടന് ജാഫറലി (49), ഉസ്മാന്(47) എന്നിവരാണ് അറസ്റ്റിലായത്. തിങ്കളാഴ്ച രാത്രി 10.30 ഓടെ വെള്ളില കുരങ്ങന്ചോലയിലാണ് സംഭവം. പിതാവ് ഉസ്മാനില് നിന്നാണ് മകന് അബദ്ധത്തില് വെടിയേറ്റത്.
പരിക്കേറ്റ കുട്ടി പെരിന്തല്മണ്ണ സ്വകാര്യ ആശുപത്രിയില് ചികിത്സയിലാണ്. നായാട്ടിനിടെയാണ് സംഭവമെന്നാണ് പോലീസ് നിഗമനം. മനഃപൂര്വമല്ലാത്ത നരഹത്യ ശ്രമത്തിനും അശ്രദ്ധമായി ആയുധം കൈകാര്യം ചെയ്തതിനും മങ്കട പോലീസ് കേസെടുത്തു. കോടതിയില് ഹാജരാക്കിയ പ്രതികള്ക്ക് ജാമ്യം അനുവദിച്ചു.
