ദുബായ് : വേൾഡ് ട്രേഡ് സെന്ററിൽ കഴിഞ്ഞവർഷം 24.7 ലക്ഷം സന്ദർശകരെത്തി. മുൻവർഷത്തെ അപേക്ഷിച്ച് സന്ദർശകരുടെ എണ്ണത്തിൽ 25 ശതമാനമാണ് വർധന. മീറ്റിങ്ങുകൾ, കോൺഫറൻസുകൾ, എക്സിബിഷനുകൾ, ബിസിനസ് കൺസ്യൂമർ ഇവന്റ്സ് എന്നിങ്ങനെ 301 പരിപാടികൾ ദുബായ് വേൾഡ് ട്രേഡ് സെന്ററിൽ (ഡി.ഡബ്ല്യു.ടി.സി.) കഴിഞ്ഞവർഷം നടന്നു.
2022-നേക്കാൾ 23 ശതമാനത്തിലേറെ പരിപാടികൾക്കാണ് സെന്റർ സാക്ഷ്യംവഹിച്ചത്. ഇതിൽ എക്സിബിഷനുകൾ, അന്താരാഷ്ട്ര അസോസിയേഷൻ കോൺഫറൻസുകൾ, ഇൻഡസ്ട്രി കോൺഫറൻസുകൾ എന്നിവമാത്രമായി 107 പരിപാടികൾ നടന്നു. ഇതിലൂടെ 15.6 ലക്ഷം പങ്കാളികളെത്തി. മുൻവർഷത്തെ അപേക്ഷിച്ച് 33 ശതമാനമാണ് വർധന. ഇവരിൽ 7,22,000-ത്തിലേറെ പേർ അന്താരാഷ്ട്രപങ്കാളികളായിരുന്നു.
