തിരുവനന്തപുരം : പൂജപ്പുര സെന്ട്രല് ജയിലില് റിമാന്ഡിലായിരുന്ന പ്രതിയെ തൂങ്ങിമരിച്ച നിലയില് കണ്ടെത്തി. പോത്തന്കോട് സ്വദേശി ബിജു(47) ആണ് മരിച്ചത്. വെള്ളിയാഴ്ച രാവിലെയായിരുന്നു സംഭവം. രാവിലെ 5.45ന് വാര്ഡന് പരിശോധനക്കെത്തിയപ്പോഴാണ് സെല്ലിലെ ഗ്രില് വാതിലിന് മുകളില് കഴുത്തില് കുരുക്കിട്ട നിലയില് ഇയാളെ കണ്ടെത്തിയത്.
ആശുപത്രിയിലെത്തിച്ചെങ്കിലും രക്ഷിക്കാനായില്ല. മോഷണക്കേസില് ആറ്റിങ്ങല് പോലീസാണ് ബിജുവിനെ അറസ്റ്റ് ചെയ്തത്. ആറ്റിങ്ങല് സബ് ജയിലില് റിമാന്ഡിലായിരിക്കേ പകര്ച്ചവ്യാധി സ്ഥിരീകരിച്ചതിനെ തുടര്ന്ന് ബിജുവിനെ കഴിഞ്ഞ നവംബര് 24 ന് പൂജപ്പുര സെന്ട്രല് ജയിലിലെ 12ാം ബ്ലോക്കിലെ ഐസോലേഷന് സെല്ലിലേക്കു മാറ്റിയിരുന്നു. മൃതദേഹം മെഡിക്കല് കോളേജ് ആശുപത്രി മോര്ച്ചറിയില്.
