പത്തനംതിട്ട : പത്തനംതിട്ടയില് 28 കാരിയെ ജ്യൂസില് മയ്ക്ക് മരുന്ന് നല്കി ക്രൂര പീഡനത്തിന് ഇരയാക്കിയ പ്രതിയെ പോലീസ് അറസ്റ്റ് ചെയ്തു. കഴിഞ്ഞ രാത്രിയിലാണ് അറസ്റ്റ് നടന്നത്. ഓട്ടോ ഡ്രൈവറായ വിനോദിനെയാണ് പിടികൂടിയത്. ഫെബ്രുവരി 15 നാണ് പീഡനം നടന്നത്. അതിന് ശേഷം യുവതിയുടെ നഗ്ന ചിത്രങ്ങള് ഇയാള് മൊബൈല് ഫോണില് പകര്ത്തിയിരുന്നു. ഇത് കാണിച്ച് ഭയപ്പെടുത്തിയും യുവതിയെ പീഡനത്തിന് ഇരയാക്കി. ഇതിനിടെയില് പ്രതിയുടെ ഭാര്യയോട് യുവതി കാര്യങ്ങള് വെളിപ്പെടുത്തിയിരുന്നു. ഇതിന്റെ വൈരാഗ്യത്തില് ടാങ്കര് ലോറി ഡ്രൈവര് കൂടിയായ പ്രതി ഇരയായ യുവതിയെ ലോറിയില് കയറ്റി പല സ്ഥലങ്ങളിലും കൊണ്ടുപോയി മര്ദ്ദിച്ചു. ഇതും പോലീസില് പരാതി നല്കിയിരുന്നു.
സ്ഥിരമായി ഇരയുടെ വീട്ടില് യാത്ര പോകുവാന് ഓട്ടോറിക്ഷയുമായി വിനോദ് എത്തുമായിരുന്നു. കഴിഞ്ഞ ദിവസം യുവതി വസ്ത്രശാലയിലേക്ക് പോകാന് വിനോദിനെ ഫോണില് വിളിച്ചപ്പോള് ഇയാള് യുവതിയുടെ വീട്ടില് എത്തുകയും ലൈസന്സ് മറന്നുപോയി എന്ന് കളവ് പറഞ്ഞ് ഇതെടുക്കുവാനെന്ന വ്യാജേന ഇയാളുടെ വീട്ടില് എത്തുകയും വീട്ടില് എത്തിയ ശേഷം യുവതിയെ ജ്യൂസില് മയക്ക് മരുന്ന് നല്കി പീഡനത്തിന് ഇരയാക്കുകയുമായിരുന്നു. തുടര്ന്ന് യുവതിയുടെ പരാതിയില് കേസെടുത്ത അടൂര്പോലീസ് ഇയാളെ പിടികൂടുകയായിരുന്നു. പ്രതിയെ കോടതിയില് ഹാജരാക്കി റിമാന്റ് ചെയ്യും.
