കൊച്ചി : അന്തരിച്ച പഴയകാല നടനും ഡബ്ബിംഗ് ആര്ട്ടിസ്റ്റുമായ കെ.ഡി. ജോര്ജിന്റെ മൃതദേഹം രണ്ടാഴ്ച പിന്നിട്ടിട്ടും എറണാകുളം ജനറല് ആശുപത്രിയിലെ മോര്ച്ചറിയില് തന്നെ. ഏറ്റെടുക്കാന് ആരുമില്ലെന്ന് വ്യക്തമാക്കി ചലച്ചിത്ര പ്രവര്ത്തകര് അന്തിമ കര്മങ്ങള്ക്ക് ഒരുങ്ങിയിട്ടും മൃതദേഹം സര്ക്കാര് വിട്ടുനല്കിയില്ല. ചര്ച്ചകള്ക്കൊടുവില് കഴിഞ്ഞ ദിവസം മോര്ച്ചറിക്ക് മുന്നിലായിരുന്നു കെ.ഡി ജോര്ജിന്റെ പൊതുദര്ശനം. നാളെ ജോർജിൻ്റെ സംസ്കാര ചടങ്ങുകൾ നടക്കും. സത്യനും ജയനുമെല്ലാം വെള്ളിത്തിരയിലെത്തിയപ്പോള് ഫ്രെയിമില് കെഡിക്കും ഒരിടമുണ്ടായിരുന്നു. അഭിനയത്തില് നിന്ന് പിന്നീട് കെ.ഡി. ജോര്ജ് ശബ്ദകലയിലേക്ക് തിരിഞ്ഞു. പണ്ടുമുതലേ ഒറ്റയ്ക്കായിരുന്നു ജീവിതം. ഒടുവില് ഡിസംബര് 29 ജോര്ജിനെയും മരണം വിളിച്ചു.
ശബ്ദംകൊണ്ട് തിരിച്ചറിഞ്ഞ വലിയ കലാകാരന്റെ ശരീരം ഇപ്പോൾ മോര്ച്ചറിയിലാണ്. രണ്ടാഴ്ചയായി മോർച്ചറിയിൽ തന്നെ തുടരുകയാണ് മൃതദേഹം. ഏറ്റെടുക്കാന് ആരുമില്ലെന്ന് ജോര്ജിനെ അറിയുന്ന കലാകാരന്മാര് മരിച്ച അന്ന് തന്നെ സര്ക്കാരിനെ അറിയിച്ചിരുന്നു. എങ്കിലും നടപടിക്രമങ്ങള് പാലിക്കണമല്ലോ. അതിനായി ആദ്യം പത്രപരസ്യം കൊടുത്തു, ആരും വന്നില്ല. 7 ദിവസം കഴിഞ്ഞ് മൃതദേഹം വിട്ടുനല്കാമെന്ന് പോലീസും കോര്പറേഷനും വാക്കുനല്കി. എന്നാൽ വാക്കെല്ലാം തെറ്റുകയായിരുന്നു. മൃതദേഹം സര്ക്കാര് തന്നെ സംസ്കരിക്കുമെന്നായി തീരുമാനം. അങ്ങനെ അന്തിമോപചാരവും പൊതുദര്ശനവും മോര്ച്ചറിക്ക് മുന്നില് തന്നെയാക്കുകയായിരുന്നു. ഇന്നു രാത്രി കൂടി മോര്ച്ചറിയിൽ സൂക്ഷിച്ച് നാളെ ജോർജിൻ്റെ സംസ്കാര ചടങ്ങുകൾ നടക്കും.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected] എന്നിവ മാത്രം ഉപയോഗിക്കുക. മറ്റുള്ള വാട്സ് ആപ്പ് നമ്പരുകളിലും മെയിലിലും വരുന്നവ സ്വീകരിക്കുന്നതല്ല. വാര്ത്തയോടൊപ്പം ഒരു ചിത്രം ഉണ്ടായിരിക്കണം. ഗൂഗിള് മലയാളത്തില് ടൈപ്പ് ചെയ്ത് വാര്ത്തകള് നല്കണം. വാര്ത്തകള് നല്കുമ്പോള് എല്ലാ നമ്പരുകളിലും മെയിലുകളിലും നല്കാതെ ഒരിടത്തുമാത്രം നല്കുക. ചീഫ് എഡിറ്ററുമായി ബന്ധപ്പെടുവാന് 94473 66263, 85471 98263, 0468 2333033 എന്നീ നമ്പരുകള് ഉപയോഗിക്കുക.
