കൊച്ചി : നടിയെ ആക്രമിച്ച കേസിൽ സിനിമാ താരങ്ങൾ ഉൾപ്പെടെയുള്ള സാക്ഷികളുടെ വിസ്താരം തുടരുന്നു. ഗീതു മോഹൻദാസും സംയുക്ത വർമ്മയും കൊച്ചിയിലെ വിചാരണക്കോടതിയില് ഹാജരായി. കുഞ്ചാക്കോ ബോബന്റെ വിസ്താരം നിശ്ചയിച്ചിരുന്നെങ്കിലും കേരളത്തിന് പുറത്ത് ആയതിനാൽ എത്താൻ സാധ്യതയില്ല. കൊച്ചി സിബിഐ കോടതിയിൽ അടച്ചിട്ട മുറിയിലാണ് നടപടികൾ. നടി മഞ്ജു വാര്യരുടെ വിസ്താരം ഇന്നലെ പൂർത്തിയായിരുന്നു. ദിലീപ് അടക്കം പ്രതികളുടെ സാന്നിധ്യത്തിലാണ് സാക്ഷികളുടെ വിസ്താരം നടക്കുന്നത്.
