പെരുമ്പാവൂര്: മകനും മരുമകളുമായി വഴക്കിട്ട വയോധിക തീ കൊളുത്തി മരിച്ച നിലയില്. കൊലപാതകമാണോ എന്ന് സംശയം. കുറുപ്പംപടി ആട്ടുപടി ശേഖരത്ത് പരേതനായ ശിവരാമന് നായരുടെ ഭാര്യ കാര്ത്ത്യായിനിയമ്മയെ (85) ആണ് ഇന്ന് പുലര്ച്ചെ മണ്ണെണ്ണ ഒഴിച്ച് തീകൊളുത്തിയ നിലയില് കണ്ടെത്തിയത്. വീട്ടുമുറ്റത്താണ് മൃതദേഹം കണ്ടത്.
മകന് മനോജിനും മരുമകള്ക്കും ഒപ്പമാണ് ഇവര് താമസിച്ചിരുന്നത്. ഇന്നലെ മകനുമൊത്ത് വാക്കുതര്ക്കം ഉണ്ടായതായി അയല്വാസികള് പറഞ്ഞിരുന്നു. വഴക്കിനിടെ കൊല്ലപ്പെട്ട കാര്ത്ത്യായിനിയമ്മയെ വീട്ടുമുറ്റത്തിട്ട് കത്തിച്ചതാണോ എന്നും പോലീസ് സംശയിക്കുന്നു. കുറുപ്പംപടി പോലീസ് എത്തി മേല് നടപടികള് സ്വീകരിച്ചു.
