അടവി കുട്ടവഞ്ചി സവാരി നാളെ ശനിയാഴ്ച ഉച്ചയ്ക്ക് 12 വരെ മാത്രം

കോന്നി : അടവി ഇക്കോ ടൂറിസം പദ്ധതിയുടെ ഭാഗമായുള്ള മുണ്ടോമൂഴി കുട്ടവഞ്ചി സവാരി നാളെ  (8) ഉച്ചയ്ക്ക് 12 മണി വരെ മാത്രമേ ഉണ്ടാകൂയെന്ന് വനം വകുപ്പ് അധികൃതര്‍ അറിയിച്ചു. മഹാ പ്രളയത്തില്‍ റാന്നി, തിരുവല്ല മേഖലയില്‍ കുട്ടവഞ്ചിയിലൂടെ രക്ഷാപ്രവര്‍ത്തനം നടത്തിയ കുട്ടവഞ്ചി തുഴച്ചിലുകാരെയും വനം വകുപ്പ് ഉദ്യോഗസ്ഥരെയും വനം വകുപ്പ് മന്ത്രി അഡ്വ.കെ.രാജു ആദരിക്കുന്ന ചടങ്ങില്‍ പങ്കെടുക്കേണ്ടതിനാലാണ് നാളെ കുട്ടവഞ്ചി സവാരി 12 മണി വരെയാക്കി നിജപ്പെടുത്തിയത്. കരിപ്പാന്‍തോട് മോഡല്‍ ഫോറസ്റ്റ് സ്റ്റേഷന്‍ ഉദ്ഘാടന ചടങ്ങില്‍ ഉച്ചകഴിഞ്ഞ് മൂന്നിനാണ് ആദരിക്കല്‍ ചടങ്ങ് നടക്കുന്നത്. തുടര്‍ന്നുള്ള ദിവസങ്ങളില്‍ സമയത്തിന് മാറ്റമുണ്ടാകില്ല. ദിവസവും രാവിലെ 8.30 മുതല്‍ വൈകിട്ട് 5.30 വരെയാണ് കുട്ടവഞ്ചി സവാരി നടത്തുന്നത്.