കോന്നി : കേരള പിറവിയുടെ 69ആം വാർഷികത്തിനോട് അനുബന്ധിച്ച് നവംബർ 1 മലയാള ദിനമായും തുടർന്ന് നവംബർ 7 വരെ ഭരണ ഭാഷാ വാരമായും കേരള സർക്കാർ ആഘോഷിക്കുകയാണ്. ഇതിന്റെ ഭാഗമായി കോന്നി വനം ഡിവിഷൻ, പത്തനംതിട്ട സോഷ്യൽ ഫോറസ്ട്രി ഡിവിഷൻ, അച്ചൻകോവിൽ വർക്കിങ് പ്ലാൻ ഡിവിഷൻ എന്നീ ഓഫീസുകൾ സംയുക്തമായി സംഘടിപ്പിക്കുന്ന ഭരണ ഭാഷാ വാരാഘോഷം കോന്നി ഇക്കോ ടൂറിസം സെന്ററിൽ ചേർത്തല എൻ എസ് എസ് കോളേജ് റിട്ട പ്രിൻസിപ്പാൾ ഡോ കെ വിജയകൃഷ്ണൻ ഉത്ഘാടനം ചെയ്തു.
കോന്നി ഡി എഫ് ഓ ആയുഷ് കുമാർ കോറി ഐ എഫ് എസ് അധ്യക്ഷത വഹിച്ചു. തുടർന്നുള്ള ദിവസങ്ങളിൽ ജീവനക്കാർക്കും ജീവനക്കാരുടെ കുട്ടികൾക്കുമുള്ള മത്സരങ്ങൾ നടന്നു. ഭരണഭാഷാ വാരാഘോഷ പരിപാടികളുടെ സമാപന സമ്മേളനം നാടൻപാട്ട് കലാകാരനും സാംസ്കാരിക വകുപ്പിന്റെ വജ്രജൂബിലി ഫെലോഷിപ്പ് ജേതാവുമായ എൻ നവനീത് നിർവഹിച്ചു.
