31 C
Pathanāmthitta
Friday, June 17, 2022 1:12 pm

ബിവറേജസ് കോര്‍പ്പറേഷന്‍നില്‍ നിന്ന് മോഷണം പോകാത്ത മദ്യം എങ്ങനെ കണ്ടെത്തുമെന്ന് പോലീസ്‌

അടൂര്‍: ബൈപ്പാസില്‍ പ്രവര്‍ത്തിക്കുന്ന ബിവറേജസ് കോര്‍പ്പറേഷന്‍ വിദേശമദ്യശാലയില്‍നിന്നു 30,000 രൂപയുടെ മദ്യം മോഷണംപോയി ഒരുമാസം കഴിഞ്ഞും ഇതേക്കുറിച്ച്‌ വ്യക്തതയില്ലാതെ പോലീസ്. മോഷണം പോകാത്ത കുപ്പികള്‍ എങ്ങനെ കണ്ടെത്തുമെന്നാണ് പോലീസ് പറയുന്നത്. മേയ് ആറിന് രാവിലെയാണ് മോഷണ വിവരം പുറത്തറിയുന്നത്. മേയ് 25-ന് അറസ്റ്റിലായ വെസ്റ്റ് ബംഗാള്‍ സ്വദേശികളായ സംഷാദ്, ജെഹിര്‍ ആലം എന്നിവരെ ചോദ്യം ചെയ്തപ്പോള്‍ രണ്ട് ബിയര്‍ കുപ്പികള്‍ കവര്‍ന്നത് ഉള്‍പ്പെടെ മറ്റെല്ലാ മോഷണവും അവര്‍ പോലീസിനോട് പറഞ്ഞു. ബിവറേജില്‍ നിന്നെടുത്ത സി.സി.ടി.വിയുടെ ഡി.വി.ആര്‍., മോഡം, രണ്ട് മൊബൈല്‍ ഫോണുകള്‍ എന്നിവയെല്ലാം കണ്ടെത്തുകയും ചെയ്തു.

കുപ്പികളെപ്പറ്റി ചോദിച്ചപ്പോള്‍, രണ്ട് ബിയര്‍ മാത്രം എടുത്തതായിട്ടാണ് പ്രതികള്‍ പോലീസിനോട് പറഞ്ഞത്. എന്നാല്‍, ബിവറേജ് അധികൃതര്‍ 30,000 രൂപയുടെ മദ്യക്കുപ്പികള്‍ പോയി എന്നു തന്നെയാണ് പോലീസിനോട് പറഞ്ഞത്. മോഷ്ടാക്കള്‍ സഞ്ചരിച്ച പ്രദേശങ്ങളിലെ സി.സി.ടി.വി. ക്യാമറകള്‍ പരിശോധിച്ചപ്പോള്‍ ഇത്രത്തോളം മദ്യക്കുപ്പികള്‍ കൊണ്ടുപോകുന്നതായി കാണുന്നില്ലെന്ന് പോലീസും പറയുന്നു. മദ്യക്കുപ്പി മോഷണം മോഷ്ടാക്കളുടെ തലയില്‍ കെട്ടിവെച്ചതാണോ എന്ന സംശയം രൂപപ്പെടാനും ഇതിടയാക്കി. സംഷാദ് ബിവറേജിന് സമീപത്തെ ഹോട്ടലില്‍ ജോലിചെയ്തിരുന്നതാണ്. 20 ദിവസം നീണ്ട അന്വേഷണത്തിലാണ് പ്രതികള്‍ വലയിലായത്. പക്ഷേ, മദ്യക്കുപ്പികള്‍ എവിടെപ്പോയി എന്ന സംശയത്തിന് അറുതിയായിട്ടില്ല.

- Advertisment -
- Advertisment -
Advertisment
- Advertisment -

Most Popular