തിരുവനന്തപുരം: കേന്ദ്ര സര്ക്കാര് തന്നെ ശത്രുവായാണു കാണുന്നതെന്നു ചലച്ചിത്രകാരന് അടൂര് ഗോപാലകൃഷ്ണന്. കോണ്ഗ്രസ് സര്ക്കാര് ഉണ്ടായിരുന്നപ്പോഴും പറയേണ്ടതു താന് പറഞ്ഞിട്ടുണ്ട്. പക്ഷേ അവര് എന്നെ ശത്രുവായി കണ്ടില്ല. ഇപ്പോള് സ്ഥിതി അങ്ങനെയല്ല. ഭരിക്കുന്ന പാര്ട്ടി പറയുന്ന കാര്യങ്ങള് മാത്രം നടപ്പിലാക്കുന്നതു ശരിയല്ല. അതു ജനാധിപത്യമല്ല. എല്ലാത്തരം അഭിപ്രായങ്ങളും കണക്കിലെടുക്കുന്ന ഭരണമാണു രാജ്യത്തു വേണ്ടതെന്നും അദ്ദേഹം പറഞ്ഞു. തിരുവനന്തപുരം പ്രസ്ക്ലബ് സംഘടിപ്പിച്ച പരിപാടിയില് പങ്കെടുത്തു പ്രസംഗിക്കുകയായിരുന്നു അടൂര് ഗോപാലകൃഷ്ണന്.
