അടൂര്‍ : ആനയടി-പഴകുളം-കുരമ്പാല-കീരുകുഴി-ചന്ദനപ്പള്ളി-കൂടല്‍ റോഡിലെ പുനരുദ്ധാരണ പ്രവൃത്തികളോടനുബന്ധിച്ച് പയ്യനല്ലൂര്‍ മുതല്‍ പഴകുളം വരെയുള്ള ഭാഗങ്ങളില്‍ കലുങ്കുകളുടെ പണി നടക്കുന്നതിനാല്‍ ഈ ഭാഗങ്ങളിലൂടെയുള്ള വാഹന ഗതാഗതം ഈ മാസം 14 മുതല്‍ പൂര്‍ണമായും നിയന്ത്രിച്ചു. പഴകുളത്തു നിന്ന് ആനയടി ഭാഗത്തേക്ക് പോകുന്ന വാഹനങ്ങള്‍ ആലുംമൂട് ജംഗ്ഷനില്‍ നിന്നും ഇടത്തേക്ക് തിരിഞ്ഞും പഴകുളത്തേക്ക് വരുന്ന വാഹനങ്ങള്‍ നൂറനാട് വഴി തിരിഞ്ഞും പോകേണ്ടതാണെന്ന് പൊതുമരാമത്ത് അസിസ്റ്റന്റ് എക്സിക്യൂട്ടീവ് എഞ്ചിനീയര്‍ അറിയിച്ചു.
